புதிதாகக் கட்டப்பட்ட வீடு இனந்தெரியாதோரால் தீக்கிரை

-எம்.எம்.அஹமட் அனாம்

புதிதாக கட்டப்பட்டு பூரணப்படுத்தப்படாத வீடு இனந்தெரியாதோரால் இன்று திங்கட்கிழமை(05) அதிகாலை 02.00 மணியளவில் தீவைக்கப்பட்டுள்ளது.

கோறளைப்பற்று மத்திய பிரதேச செயலளர் பிரிவைச் சேர்ந்த செம்மண்ஓடை பகுதியிலுள்ள வீடொன்றே இவ்வாறு தீக்கிரையாக்கப்பட்டுள்ளது.  

புதிதாகக் கட்டப்பட்ட வீடு தீப்பற்றியெரிவதைக் கண்ட வீட்டின் உரிமையாளர் மட்டக்களப்பு மாநகர சபை தீயணைப்புப் படையினரினது உதவியுடனும் பொதுமக்களினது உதவியுடனும் தீயினைக் கட்டுப்பாட்டுக்குள் கொண்டுவந்துள்ளார்.

இச்சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.