மட்டு. போதனா வைத்தியசாலைக்கு உதவி

எம்.எஸ்.எம்.நூர்தீன், ரீ.எல்.ஜவ்பர்கான்

மட்டக்களப்பு போதனா வைத்தியசாலைக்கு, மட்டக்களப்பு 231ஆவது இராணுவப்  படைப்பிரிவு மூன்றாவது தடவையாகவும்  மருத்துவ உபகரண தொகுதியை வழங்கியுள்ளது.

அமெரிக்காவில்  வாழ்கின்ற ஒன்றிணைந்த இலங்கை  உறவுகளால் இலங்கை இராணுவ தலைமையகத்தின் வேண்டுகோளுக்கு இணங்க   வழங்கப்பட்ட இந்த மருத்துவ உபகரணம், மட்டக்களப்பு போதனா வைத்தியசாலைக்கு இன்று (05) வழங்கிவைக்கப்பட்டது.

மட்டக்களப்பு போதனா வைத்தியசாலையின் பணிப்பாளர்  திருமதி கலாரஞ்சனி கணேசலிங்கத்திடம் மட்டக்களப்பு கல்லடியிலுள்ள 231ஆவது இராணுவ  படைப்பிரிவின்  கட்டளை அதிகாரியான பிறிகேடியர் கேணல்  டிலூப  பண்டார   தலைமையில் இவற்றைக் கையளித்தனர்.

மூன்று இலட்சம் ரூபாய் பெறுமதியான  ஒட்சிசன்  செறிவாக்கி மற்றும் கொவிட்  19 தொற்றுக்குள்ளானவர்களுக்கு சிகிட்சையளிக்க பயன்படுத்தும் மருத்துவ  உபகரணங்கள் உள்ளிட்ட மருத்துவ உபகரண தொகுதிகள் இதில் உள்ளடங்கியிருந்தன.