வாகனச் சாரதி கொலை; இருவருக்கு விளக்கமறியல்

-வா.கிருஸ்ணா

மட்டக்களப்பு, சீலாமுனைக் கிராமத்தில்; வாகனச்  சாரதி ஒருவர் கொலை செய்யப்பட்ட சம்பவத்தை அடுத்து, கைதுசெய்யப்பட்ட சந்தேக நபர்கள் இருவரையும் எதிர்வரும் 30ஆம் திகதிவரை விளக்கமறியலில் வைக்குமாறு மட்டக்களப்பு நீதவான் நீதிமன்ற பதில் நீதவான் எஸ்.சிவநாதன், சனிக்கிழமை (17) உத்தரவிட்டார்.

ஆனந்தா ஒழுங்கையில் கடந்த வியாழக்கிழமை (15) இரவு ஒரு பிள்ளையின் தந்தையான சோமசிறி விஜித் ஜெயந்த் (வயது 34) என்பவரே கொலை செய்யப்பட்டார்.

மோட்டார் சைக்கிளில் சென்றுகொண்டிருந்த இவரை பின்தொடர்ந்த இருவர், இவரை வாளால் வெட்டிக் கொலை செய்ததாக விசாரணையில் தெரியவந்தது. இந்தச் சம்பவம் இடம்பெற்று சுமார் இரண்டு மணித்தியாலங்களின்; பின்னர் சந்தேகத்தின் அடிப்படையில் மேற்படி சந்தேக நபர்களை பொலிஸார் கைதுசெய்திருந்தனர்.

இவ்வாறிருக்க, இவரது சடலம் இன்று ஞாயிற்றுக்கிழமை நல்லடக்கம் செய்யப்பட்டது.