விசேட அதிதிகளின் உரை

-கே.எல்.ரி.யுதாஜித்,எம்.எஸ்.எம்.நூர்தீன்,வடிவேல் சக்திவேல் 

கனேடிய மற்றும் இந்திய பல்கலைக்;கழக விரிவுரையாளர்கள் கலந்துகொள்ளும் விசேட அதிதிகளின்  உரை, நாளை மறுதினம் புதன்கிழமை பிற்பகல் 02 மணிக்கு மட்டக்களப்பு கல்லடி சுவாமி விபுலாநந்த அழகியல் கற்கைகள் நிறுவகத்தின் இராஜதுரை அரங்கில்; நடைபெறவுள்ளது.

'சமூக விஞ்ஞானங்கள், பல்கலைக்கழகங்கள் மற்றும் ஜனநாயகம்: சில வினாக்களும் சவால்களும்' என்ற தலைப்பில் உரை நடைபெறவுள்ளது.

அழகியல் கற்கைகள் நிறுவகப் பணிப்பாளர் கலாநிதி எஸ்.ஜெயசங்கரின் தலைமையிலும் கலாநிதி தர்ஷன் அம்பலவாணரின் ஏற்பாட்டிலும் நடைபெறவுள்ள இந்நிகழ்வில் பேராசிரியர் பவானி ராமன் (வரலாற்று மற்றும் கலாசார ஆய்வுகள் துறை -ரொரன்றோ பல்கலைக்கழகம்) மானுடவியல் பேராசிரியர் பிரான்சிஸ் கோடி, (ஆசிய ஆய்வுகளுக்கான நிலையம்) கலாநிதி செந்தில் பாபு, (விஞ்ஞானக்கற்கைள் -பிரெஞ்சு நிறுவகம், பாண்டிச்சேரி) ஆகியோர் விரிவுரையாற்றவுள்ளனர்.

இதில் மாணவர்கள், விரிவுரையாளர்கள், கல்வியியலாளர்கள், ஆர்வலர்கள் அனைவரையும் கலந்துகொள்ளுமாறு சுவாமி விபுலாநந்த அழகியல் கற்கைகள் நிறுவகப் பணிப்பாளர் அலுவலகம் தெரிவித்துள்ளது.