விபத்தில் இளைஞர் பலி; மற்றொருவருக்கு படுகாயம்

கல்குடா, பொலிஸ் பிரிவு பாசிக்குடாவில், நேற்று (25) இடம்பெற்ற மோட்டார் சைக்கிள் விபத்தில் இளைஞர் ஒருவர் உயிரிழந்துள்ளார் என, பொலிஸார் தெரிவித்தனர்.

அவரது நண்பர், கால் உடைந்த நிலையில், மட்டக்களப்பு போதனா வைத்தியசாலையின் அதிதீவிர சிகிச்சைப் பிரிவில் சிகிச்சை பெற்றுவருகிறார் எனவும் பொலிஸார் தெரிவித்தனர்.

மோட்டார் சைக்கிள் வேகக் கட்டுப்பாட்டை இழந்து, வீதியின் மருங்கிலிருந்த மின் கம்பமொன்றுடன் மோதியதிலேயே விபத்துச் சம்பவித்துள்ளதென, பொலிஸார் தெரிவித்தனர்.