வைத்தியருக்கும் பெண்ணுக்குப் பிணை

மட்டக்களப்பு பொலிஸ் தலைமையகத்துக்குட்பட்ட உப்புக்கராச்சி பகுதியிலுள்ள வீடொன்றை, நேற்று (23) இரவு முற்றுகையிட்ட பொதுமக்கள், முறைகேடான முறையில் அங்கிருந்த வைத்தியர் ஒருவரையும் பெண்ணொருவரையும் பிடித்தமையால் அங்கு பெரும் பதட்ட நிலைமை ஏற்பட்டது.

இதனையடுத்து, சம்பவ இடத்துக்கு வரவழைக்கப்பட்ட பொலிஸாரிடம் அவ்விருவரும் ஒப்படைக்கப்பட்டதுடன், அவர்கள் இருவரும் கைதுசெய்யப்பட்டு, பொலிஸ் நிலையத்துக்கு கொண்டுசெல்லப்பட்டதையடுத்து பதட்ட நிலைமை முடிவுக்குக் கொண்டுவரப்பட்டது.

விசாரணையின் பின்னர் குறித்த இருவரும், பொலிஸ் பிணையில் விடுவிக்கப்பட்டுள்ளனரென, மட்டக்களப்பு பொலிஸார் தெரிவித்தனர்.