140 லீற்றர் பெற்றோலுடன் ஒருவர் கைது

ராமு தனராஜா

140 லீற்றர் பெற்றோலை  கொண்டுச் சென்ற 45 வயதுடைய நபர் ஒருவர் ஹாலிஎல பொலிஸாரால் கைதுசெய்யப்பட்டுள்ளார்.

பதுளை ஹாலிஎல நகரிலிருந்து ஊவா கெட்டவெளப் பகுதிக்கு ஓட்டோவில், மரக்கறிகளுடன் 140 லீற்றர் பெற்றோலை மறைத்து கொண்டு சென்ற போதே, சந்தேகநபர் கைதுசெய்யப்பட்டுள்ளார்.

கடந்த சில மாதங்களாக இவர் எரிபொருள் விற்பனையில் ஈடுபட்டு வருவதாக பொலிஸாருக்கு தகவல் கிடைக்கப்பெற்றமைக்கு அமையவே சந்தேகநபர் கைதுசெய்யப்பட்டுள்ளார்.

 சந்தேகநபர்  இன்றைய தினம் பதுளை நீதிவான் நீதிமன்றத்தில் ஆஜர் படுத்துவதற்கான நடவடிக்கைகளை ஹாலிஎல பொலிஸார் மேற்கொண்டு வருகின்றனர்.