சவூதி அரேபிய வாகன விபத்தில் இலங்கையர் பலி;மற்றொருவர் காயம்

சவூதி அரேபியாவின், தமாம் நகரில் நேற்று ஞாயிற்றுக்கிழமை இடம்பெற்ற வாகன விபத்துச் சம்பவமொன்றில் இலங்கையைச் சேர்ந்த ஒருவர் உயிரிழந்துள்ளதுடன் மற்றுமொரு இலங்கையர் படுகாயமடைந்துள்ளார்.

சம்பவத்தில், கம்பளை, ஹிஜ்ராகமையைச் சேர்ந்த எம்.இக்பால் (வயது 32) என்ற இளைஞரே உயிரிழந்துள்ளார் எனவும் கம்பளை - கண்டி வீதியைச் செர்ந்த எஸ்.எம்.பவாஸ் என்பவர் காயமடைந்துள்ளார் என்றும் தெரிவிக்கப்படுகின்றது.

இவர்கள் வீதியில் நடந்து சென்றுகொண்டிருந்த போது விபத்துக்குள்ளான இரு வாகனங்களில் ஒன்று இவர்கள் மீது தூக்கி வீசப்பட்டமையினால் சம்பவம் இடம்பெற்றுள்ளது என்று மேலும் கூறப்படுகின்றது.