கஞ்சா சேனைகள் அழிப்பு

(எம்.எப்.எம்.தாஹிர்)

ஹப்புத்தளை கொஸ்லன்ந்த அக்கர 100 காட்டுப் பிரதேசத்தில் நேற்று திங்கட்கிழமை இரவு கொஸ்லந்த பொலிஸார் மேற்கொண்ட சுற்றி வளைப்பின் போது, 4 ஏக்கருக்கு மேற்பட்ட பிரதேசத்தில் கஞ்சா பயிரிடப்பட்டு வந்தமை கண்டுபிடிக்கப்பட்டுள்ளது.

பொலிஸாரின் சுற்றி வளைப்பின் போது இவைகளை பராமறித்து வந்த மூவர் கைது செய்யப்பட்டுள்ளனர். அத்துடன் கஞ்சா சேனைகள் தீயிட்டு அழிக்கப்பட்டுள்ளன.

கைது செய்யப்பட்ட நபர்களை இன்று மாலை பண்டாரவளை நீதிவான் நீதிமன்றில் நிறுத்தப்படவுள்ளதாக பொலிஸார் தெரிவித்தனர்.