28ஆம் திகதியன்று மஸ்கெலியா பிரதேச சபை கூடுகிறது

ஸ்ரீ சண்முகநாதன்  

மஸ்கெலியா பிரதேச சபையின் அங்குரார்ப்பணக் கூட்டம், எதிர்வரும் புதன்கிழமை (28) முற்பகல் 10.30 மணிக்கு நடைபெறவுள்ளது. இது தொடர்பான அழைப்புக் கடிதங்கள், தெரிவுசெய்யப்பட்டுள்ள  உறுப்பினர்களுக்கு அனுப்பி வைக்கப்பட்டுள்ளதாக, பிரதேச செயலகம் அறிவித்துள்ளது.

அன்றைய தினம், தலைவர், உபதலைவர் தெரிவுகளும் இடம்பெறவுள்ளன. 

மஸ்கெலியா பிரதேச சபைக்கு, மவுசாகலை, பிரவுன்லோ, சீத்தகங்குல, மரே, பிரன்ஸ்விக், மஸ்கெலியா, மகாநிலு, அப்கொட், தெய்வகந்தை மற்றும் தம்பேதன்ன ஆகிய 10 வட்டாரங்களிலிருந்து, விகிதாசார முறையில், 16 உறுப்பினர்கள் தெரிவு செய்யப்பட்டுள்ளனர்.  

ஐக்கிய தேசியக் கட்சியில், தமிழ் முற்போக்குக் கூட்டணி சார்பில் போட்டியிட்டு வெற்றிபெற்ற 6 வட்டார உறுப்பினர்கள் மற்றும் ஒரு விகிதாசார உறுப்பினரோடு மொத்தமாக 7 உறுப்பினர்கள் தெரிவு செய்யப்பட்டுள்ளமை குறிப்பிடத்தக்கது.