இறம்பொடை நீர்வீழ்ச்சிக்கு சென்ற மூவர் மாயம்

ரஞ்சித் ராஜபக்ஸ

கொத்மலை- இறம்பொடை நீர்வீழ்ச்சியில் நீராட சென்ற மூவர் காணாமல் போயுள்ளனர் என நுவரெலியா சிரேஸ்ட பொலிஸ் அதிகாரி தெரிவித்துள்ளார்.

வவுனியாவில் ஆடைத் தொழிற்சாலையொன்றில் பணியாற்றும் 7 பேரைக் கொண்ட குழுவொன்று நேற்று (11) நுவரெலியாவுக்கு வந்துள்ளதுடன், இன்று மாலை 3.30 மணியளவில்  வவுனியாவுக்கு திரும்பிச் செல்லும் வழியில் இறம்பொடை  நீர்வீழ்ச்சியில் நீராடியுள்ளனர்.

இதன்போது அப்பகுதியில் பெய்து வரும் அடை மழையுடன் நீர்வீழ்ச்சியின் நீர்மட்டமும் அதிகரித்ததால், 7 பேரும் நீரில் அள்ளுண்டு சென்றுள்ளனர்.

எனினும் நால்வர் காப்பற்றப்பட்டுள்ளதுடன்.  மூவரைத் தேடும் பணிகளை பொலிஸ் உயிர் பாதுகாப்பு பிரிவினர் முன்னெடுத்துள்ளதாக நுவரெலியா சிரேஸ்ட பொலிஸ் அதிகாரி தெரிவித்துள்ளார்