எரிபொருள் நிரப்பு நிலையத்தில் கொள்ளை

வெலிகம- தெனிபிடியவிலுள்ள எரிபொருள் நிரப்பு நிலையத்தில், பாரிய கொள்ளைச் சம்பவமொன்று,  இன்றுக் காலை இடம்பெற்றுள்ளதென, பொலிஸார் தெரிவித்தனர்.

முகமூடி அணிந்த நிலையில், மோட்டார் சைக்கிளில் வந்த இருவர், எரிபொருள் நிரப்பு நிலையத்தில் கடமையிலிருந்த ஊழியர்களை துப்பாக்கி முணையில் அச்சுறுத்திவிட்டு, அங்கு வைக்கப்பட்டிருந்த பெருந்தொகையான பணத்தை கொள்ளையிட்டுச் சென்றுள்ளனரென, பாதிக்கப்பட்ட ஊழியர்கள் பொலிஸில் முறைப்பாடு செய்துள்ளனர்.

சம்பவத்துடன் தொடர்புடையவர்களை கைதுசெய்வதற்கான நடவடிக்கையில், பொலிஸார் ஈடுபட்டு வருகின்றனர்.

மாத்தறை மாவட்டம் அகுரஸ்ஸ, கும்புறுப்பிட்டிய ஆகிய பகுதிகளிலுள்ள எரிபொருள் நிரப்பு நிலையங்களிலும் கடந்த இரண்டு தினங்களுக்குள் கொள்ளைச் சம்பவங்கள் இடம்பெற்றுள்ளமை குறிப்பிடத்தக்கது.