கடும் வெப்பத்தால் நீர் மட்டம் குறைவு

செ.தி.பெருமாள்

மத்திய மலைநாட்டில் கடுமையான வெப்பம் கடந்த சில நாட்களாக நிலவிவருகிறது இதனால் நீர்த்தேக்கங்களில் நீர் மட்டம் வெகுவாக குறைந்துள்ளது.

நீர் மின் உற்பத்தி நிலையங்களுக்கு நீரை வழங்கும் பிரதான நீர்த் தேக்கங்களில் ஒன்றான மவுஸ்சாக்கலை நீர்த் தேக்கதின் நீர் மட்டம் நேற்று (13) மதியம் அதன் கொள்ளளவை விட சுமார் 19 அடி குறைந்த நிலையில் உள்ளது.

இந்த நீர்த் தேக்கம் மூலம் கெனியோன், லக்‌ஷபான பொல்பிட்டிய நவ லக்‌ஷபான ஆகிய நீர் மின் உற்பத்தி நிலையங்களுக்கு நீரை வழங்கும் பிரதான நீர் தேக்கம் இது வாகும் என நீர் மின் நிலைய
உயர் அதிகாரி தெரிவித்தார்.

மேலும் அவர் கூறுகையில், காசல்ரீ நீர் தேக்கத்தின் நீர் மட்டம் அதன் கொள்ளளவை விட 21 அடி குறைந்த நிலையில் உள்ளது எனவும் மேலும் இந்த வரட்சி தொடருமானால் மின் வெட்டு ஏற்படும் அபாயத்தை இலங்கை வாழ் மக்கள் அனுபவிக்க நேரிடும் என அந்த அதிகாரி கூறினார். R