குறைந்த வருமானம் பெறுபவர்களுக்கு இராணுவம் பால்மா வழங்கியது

ரஞ்சித் ராஜபக்‌ஷ

குறைந்த வருமானம் பெறும் குடும்பங்களுக்கு இராணுவத்தினரால் பால்மா பெக்கட்டுகள் வழங்கி வைக்கப்பட்டன.

அம்பகமுவ பிரதேச செயலகப் பிரிவில் வசிக்கும் குறைந்த வருமானம் பெறும் 1398 குடும்பங்களுக்கு பசுமை விவசாய மத்திய நிலையம் மற்றும் இராணுவத்தினர் இணைந்து பால்மா பெக்கட்டுகளை வழங்கி வைத்தனர்.

நாட்டில் ஏற்பட்டுள்ள உணவு நெருக்கடியால் பாதிக்கப்பட்ட குடும்பங்களுக்கு நிவாரணம் வழங்கவும் உணவு பாதுகாப்பை ஏற்படுத்தி, போசனை மட்டத்தை அதிகரிப்பதற்காகவும் அமைக்கப்பட்டுள்ள பசுமை விவசாய மத்திய நிலையம் மற்றும் இராணுவத்தினர் இணைந்து இந்நடவடிக்கையை முன்னெடுத்தனர்.

இந்த நிகழ்வுக்கு அண்மித்ததாக ஹட்டன் வலயத்தில் உள்ள குறைந்த வருமானம் பெறும் 120 குடும்பங்களுக்கும் பால்மா பெக்கட்டுகள் வழங்கப்பட்டன.