கேரள கஞ்சாவுடன் ஒருவர் கைது

மு.இராமச்சந்திரன்,  எஸ்.சதிஸ், எஸ்.கணேசன்,

ஹட்டன், குடாகம பகுதி வீடொன்றில், விற்பனைக்காக வைக்கப்பட்டிருந்த 6 கிராமும் 3 மில்லிகிராமும் நிறையுடைய கேரளா கஞ்சாவுடன், இன்று (14) காலை, ஒருவர் கைது செய்யப்பட்டுள்ளார்.

பொலிஸாருக்குக் கிடைக்கப்பெற்ற இரகசியத் தகவலையடுத்து, மேற்படி வீட்டைச் சோதனைக்கு உட்படுத்திய பொலிஸார், கஞ்சாவுடன் குறித்த நபரைக் கைதுசெய்துள்ளனர்.

குடாகம பகுதியைச் சேர்ந்த நபரொருவரே, இவ்வாறு கைதுசெய்யப்பட்டுள்ளார்.

குறித்த நபரை, நீதிமன்றில் ஆஜர்படுத்தவுள்ள பொலிஸார், மேலதிக விசாரணைகளை மேற்கொண்டு வருகின்றனர்.