சிவசுப்ரமணியர் கோவிலின் முருகன் சிலை மாயம்

நடராஜா மலர்வேந்தன், தனராஜ்

கோணக்கலை- காவத்தை தோட்டத்தில் உள்ள, 50 வருடங்கள் பழமைவாய்ந்த சிவ சுப்ரமணியர் கோவிலின் காணப்பட்ட,  உலோகத்திலான முருகப்பெருமான் சிலை இனந்தெரியாத நபர்களால் திருடப்பட்டுள்ளது.

நேற்று மாலை வேளையில், கோயில் கதவு திறக்கப்பட்டிருந்ததுடன் சிலை காணாமல் இருப்பதை அறிந்த தோட்ட மக்கள் பசறை பொலிஸாருக்கு முறைப்பாடு செய்துள்ளதாகவும் தெரிவித்தனர்.

 சம்பவம் தொடர்பில் பசறை பொலிஸார் மேலதிக விசாரணைகளை முன்னெடுத்து வருகின்றனர்.