தியகல -நோட்டன் வீதியில் கற்பாறை சரிந்தது

இரா.யோகேசன்

தியகல -நோட்டன் வீதியில்  டெப்லோ என்ற இடத்தில் பாரிய கல் ஒன்று வீதயின் குறுக்கே விழுந்தால் அப்பகுதிக்கான போக்குவரத்து பல மணி நேரம் தடைப்பட்டுள்ளது.

தற்போது மலையகத்தில் பெய்து வரும் கடும் மழை காரணமாக, இன்று  காலை குறித்த வீதியில் மண் சரிவு ஏற்பட்டதுடன், பாரிய கல் ஒன்று வீதியின் குறுக்கே விழுந்து, வீதியில் பாரிய குழி ஒன்று ஏற்பட்டுள்ளது.

இதனால் குறித்த வீதியூடாக  கனரக வாகனங்களும் ஏனைய சிறிய வாகனங்களும் செல்லமுடியாத நிலை ஏற்பட்டுள்ளது.

எனினும் ஓட்டோ, மோட்டார் சைக்கிள்கள் மாத்திரமே மிகுந்த அவதானத்துடன் பயணிக்க கூடியதாக உள்ளது.

 தற்போது குறித்த வீதியை  சீர் செய்யும் நடவடிக்கை வீதி அபிவிருத்தி அதிகார சபையினரால் முன்னெடுக்கப்பட்டு வருகின்றது.