போதைப்பொருள்களுடன் 18 இளைஞர்கள் கைது

பல்வேறு வகையான போ​தைப்பொருள்களுடன் சிவனொளிபாதமலைக்கு யாத்திரை மேற்கொண்ட 18 இளைஞர்கள் தியகல பிரதேசத்தில் வைத்து நேற்று கைதுசெய்யப்பட்டுள்ளனர்.

வீதிச் சோதனை நடவடிக்கையில் ஈடுபட்டிருந்த ஹட்டன் பொலிஸ் போதை ஒழிப்பு பிரிவினரால் சந்தேகநபர்கள் பயணித்த வாகனங்கள் நிறுத்தப்பட்டு, சோதனையிடப்பட்ட போது, இவர்களிடமிருந்து கஞ்சா, ஹெரோயின் உள்ளிட்ட போதைப் ​பொருள்கள் காணப்பட்டதாக ​பொலிஸார் தெரிவிக்கின்றனர்.

கைதுசெய்யப்பட்ட சந்தேகநபர்களை ஹட்டன் நீதவான் நீதிமன்றில் ஆஜர்படுத்த நடவடிக்கை எடுத்துள்ளதாகவும் ஹட்டன் பொலிஸார் தெரிவித்தனர்.