மரம் முறிந்து விழுந்ததில் பெண் பலி

டயகம பொலிஸ் பிரிவுக்குட்பட்ட டயகம மேற்கு இல. 2 பிரிவைச்  சேர்ந்த 56 வயதுடைய பெண்ணொருவர் மீது, இன்று (20) மாலை 6 மணியளவில் மரமொன்று முறிந்து விழுந்ததில் குறித்த பெண் உயிரிழந்துள்ளாரென, பொலிஸார் தெரிவித்தனர்.

நான்கு பிள்ளைகளின் தாயாரான அப்பெண், விறகு சேகரிப்பதற்காக  அருகிலுள்ள காட்டுக்குச் சென்ற போதே, இச்சம்பவம் இடம்பெற்றுள்ளது.

சடலம், பிரேத பரிசோதனைக்காக டயகம வைத்தியசாலையில் வைக்கப்பட்டுள்ளதுடன், இச்சம்பவம் தொடர்பில் டயகம பொலிஸார் மேலதிக விசாரனைகளை மேற்கொண்டு வருகின்றனர்.