மரம் முறிந்து விழுந்ததில் போக்குவரத்து தடை

(ஏ.ஏ.எம்.பாயிஸ்)

இரத்தினபுரி ஓப்பநாயக்க பிரதேசத்தில் வீதிக்குக் குறுக்கே நேற்றைய தினம் மரமொன்று முறிந்து விழுந்ததால் கொழும்பு- பதுளை வீதியில் போக்குவரத்து தடை ஏற்பட்டது.

அப்பிரதேச மக்கள் ஒன்றிணைந்து மரத்தை வெட்டி அப்புறப்படுத்தியதையடுத்து   மீண்டும் போக்குவரத்து சேவை ஆரம்பிக்கப்பட்டதாகத் தெரிவிக்கப்பட்டுள்ளது.

இதேவேளை இவ்விடத்தில் காணப்பட்ட ஆபத்தான மேலும் பல மரங்களை வெட்டி ஒதுக்க பிரதேச மக்கள் நடவடிக்கை மேற்கொண்டுள்ளதாகவும் தெரிவிக்கப்பட்டுள்ளது.