மலையகத்தில் அடை மழை

ரஞ்சித் ராஜபக்ஸ

நேற்று இரவிலிருந்து இன்று (11) அதிகாலை வரை மலையகத்தில் கடும் காற்றுடன் கூடிய மழையுடனான வானிலை நிலவியதால் கெனியோன் நீர்த்தேக்கத்தின் வான் கதவுகள் இரண்டு திறக்கப்பட்டுள்ளன.

கடும் காற்றினால் மின் கம்பங்கள் முறிந்து விழுந்தமையால் மஸ்கெலியா மின் நுகர்வோர் சேவை மத்திய நிலையத்தின் கீழ்  நிர்வகிக்கப்படும் பிரதேசங்கள் பலவற்றுக்கு நேற்று இரவு முழுவதும் மின்தடை ஏற்பட்டது.

மேலும் காசல்றீ, மவுசாக்கலை ஆகிய நீர்த்தேக்கங்களின் நீர்மட்டமும் அதிகரித்து வருவதாக அதிகாரிகள் தெரிவித்துள்ள நிலையில், நோர்ட்டன் பகுதியில் மண்சரிவும் ஏற்பட்டுள்ளது.