மூவரை ஏற்றிச் சென்ற ஆம்புலன்ஸ் விபத்து

டிக் ஓயா வைத்தியசாலையிலிருந்து நோர்வூட் ஸ்டோக்ஹோம் தோட்டத்திற்கு பயணித்த நோயாளர் காவு வண்டி ஒன்று (அம்புலன்ஸ்)  வீதியை விட்டு விலகி விபத்துக்குள்ளான சம்பவம் ,ஹட்டன்- பகவந்தலாவ பிரதான வீதியின் நியூவெலிகம பிரதேசத்தில் திங்கட்கிழமை (22) மாலை 4 மணியளவில் இடம்பெற்றது.

டிக் ஓயா வைத்தியசாலையில் சிகிச்சை பெற்று வைத்தியசாலையில் இருந்து வெளியேறிய ஸ்டோக்ஹோம் தோட்டத்தைச் சேர்ந்த மூன்று நோயாளர்களை ஏற்றிச் சென்ற போதே இவ்வாறு வீதியில் சறுக்கி சென்று விபத்துக்குள்ளாகியது .

விபத்தின் போது வாகனத்தில் பயணித்த யாருக்கும் காயம் ஏற்படவில்லை எனவும் இது தொடர்பிலான மேலதிக விசாரணைகளை மேற்கொள்ளப்பட்டுள்ளதாகவும் பொலிஸார் தெரிவித்தனர் .