வலப்பனை பிரதேசசபை உபதவிசாளர் பதவி விலகினார்

ஆ.ரமேஸ்

  வலப்பனை பிரதேச சபையில் கடந்த நான்கரை வருடங்களாக உப தவிசாளராக பதவி வகித்து வந்த  பெருமாள் இராஜேந்திரன் (ஈஸ்டன்) தனது பதவியை இராஜினாமா செய்துள்ளார்.

தனது சுய விருப்பத்தின் பேரில் இவர் பதவியை இராஜினாமா செய்துள்ளதாக தெரியவந்துள்ளது.

இலங்கை தொழிலாளர் காங்கிரஸில் உடப்புஸ்ஸலாவை பிரதேசத்தில் கடந்த 30 வருடங்களுக்கு மேலாக இலங்கைத் தொழிலாளர்  காங்கிரஸின் தீவிர ஆதரவாளராக விளங்கி வந்த இவர்,  வலப்பனை பிரதேச சபையில் உறுப்பினராக இரண்டு முறையும், உப தவிசாளராக பதவியில் இரண்டு முறையும் பதவி வகித்து வந்துள்ளார்.

தனது பதவி விலகல் கடிதத்தை இலங்கை தொழிலாளர் காங்கிரஸின் பொது செயலாளர் ஜீவன் தொண்டமானுக்கு கையளித்துள்ள நிலையில், இ.தொ.காவின் ஸ்தாபக தலைவர் அமரர் சௌமிய மூர்த்தி தொண்டமானின் 23வது சிரார்த்த தினமான  நேற்று (30) அன்று கொழும்பு சௌமிய பவனில் இடம்பெற்ற நிகழ்வில் இவரின் பதவி விலகலை ஏற்று இவரின் சேவையை பாராட்டி காங்கிரஸ் குழாம்  கௌரவித்தமை குறிப்பிடத்தக்கது.