விபத்தில் லொறிகள் சேதம்

எஸ்.சுஜிதா

வட்டவளை - ஆக்ர ஓயா வீதியில்,   இரண்டு லொறிகள்  நேருக்கு நேர் மோதி விபத்துக்குள்ளாகியுள்ளதாக, வட்டவளை பொலிஸார் தெரிவித்தனர்.

இவ்விபத்தானது,  இன்று பிற்பகல் 1.30  மணியளவில் இடம்பெற்றுள்ளது. இதன்காரணமாக, இவ்வீதி வழியான போக்குவரத்து சுமார் ஒரு மணித்தியாலம் பாதிக்கப்பட்டிருந்ததாக, வட்டவளை பொலிஸார் தெரிவித்தனர்.

வட்டவளையிலிருந்து ஆக்ராஓயா நோக்கிச் சென்ற வட்டவளை  லொனெக் தோட்டத்துக்குச் சொந்தமான லொறியும் ஆக்ர ஓயாவிலிருந்து வட்டவளை நோக்கிப் பயணித்த லொறியும்  இவ்வாறு நேருக்கு நேர் மோதி விபத்துக்குள்ளாகியுள்ளதாக, பொலிஸார் தெரிவித்தனர்.

இவ்விபத்தினால் உயிர்ச்சேதம் எதுவும் ஏற்படவில்லை என்று தெரிவித்த பொலிஸார், வாகனங்கள் இரண்டும் பாரியளவு சேதமாகியுள்ளதாக தெரிவித்தனர்.