ஹட்டன்-டிக்​கோயா நகரசபைக்கு அதிக வருமானம்

ரஞ்சித் ராஜபக்‌ஷ

ஏல விற்பனையால் ஹட்டன்- டிக்கோயா நகரசபைக்கு 42 இலட்ச ரூபாய் வருமானம்  கிடைத்துள்ளதாக ஹட்டன் டிக்கோயா நகரசபையின் தவிசாளர் சடையன் பாலசந்திரன் தெரிவித்தார்.

ஹட்டன் நட்சத்திர சதுக்கம், பஸ் நிலையம், பொதுச் சந்தைக்கு அருகில் உள்ள 155 இடங்கள்  இம்மாதம் 24ஆம் திகதி தீபாவளி பண்டிகையை முன்னிட்டு ஹட்டன் டிக்கோயா நகரசபை மண்டபத்தில் ஏலம் விடப்பட்டதாக தவிசாளர் தெரிவித்தார்.

மேலும், குறித்த காணிகளில் நிர்மாணிக்கப்படும் தற்காலிக கடைகளுக்கு மின்சாரம் வழங்குவதற்காக உள்ளூர் கொள்வனவாளர் ஒருவர் அதனை 4 இலட்சம் ரூபாவிற்கு ஏலத்தில் கொள்வனவு செய்ததாகவும்,  தவிசாளர் தெரிவித்தார்.

இவ்வாறு வர்த்தக நடவடிக்கைகளை மேற்கொள்ளும் அனைத்து வர்த்தகர்களும் ஹட்டன் டிக்கோயா  நகர சபையின் அறிவுறுத்தல்களை பின்பற்ற வேண்டும் எனவும், அதனை மேற்பார்வையிட நகர சபையிலிருந்து அதிகாரிகள் குழுவொன்று ஈடுபடுத்தப்படவுள்ளதாகவும் தவிசாளர் தெரிவித்தார்