சி.எம்.சிக்கு ஒத்துழைக்கவும்: இராணுவத்துக்கு ஜனாதிபதி பணிப்பு

மக்களுக்கும் உடமைகளுக்கும் பெரும் ஆபத்தை விளைவிக்கக்கூடிய 100 க்கும் மேற்பட்ட பழைய மற்றும் பெரிய அழுகிய  மரங்களை உடனடியாக அகற்றுவதற்கு கொழும்பு மாநகர சபை (CMC) க்கு ஒத்துழைப்பை நல்குமாறு ஜனாதிபதி ரணில் விக்கிரமசிங்க, அரச மரக் கூட்டுத்தாபனம் மற்றும் இலங்கை இராணுவத்துக்கு பணித்துள்ளார்.

மே 20 ஆம் திகதி முதல் வெசாக் வாரத்தில்   நிலவிய சீரற்ற காலநிலை காரணமாக, கொழும்பு மாநகர சபையின் அதிகாரத்துக்கு உட்பட்ட பிரதேசங்களில்,  மரங்கள் முறிந்து விழுந்து அல்லது கிளைகள் சேதமடைந்ததில் 59 சம்பவங்கள் இடம்பெற்றுள்ளன.

  1,000 மரங்கள் தொடர்பில்  உடனடி கவனம் செலுத்தப்பட்டுள்ளதாகவும் அதில் 500 மரங்கள் பிரச்சனைக்குரிய நிலைமைகளைக் கொண்டிருப்பதாகவும் கண்டறியப்பட்டுள்ளது.  இதுபோன்ற 200 மரங்கள் பழமையான மற்றும் மிகவும் பாதிக்கப்படக்கூடிய நிலையில் இருப்பதாக அதிகாரிகள் கண்டறிந்துள்ளனர், அவற்றை விரைவில் வெட்ட வேண்டும், பொதுமக்களுக்கோ அல்லது உடைமைகளுக்கோ ஏதேனும் ஆபத்து இடம்பெறுவதை தவிர்க்க வேண்டும்.

கொழும்பு மாநகர சபையின் ஆணையாளர் பத்ராணி ஜயவர்தனவை தொடர்பு கொண்ட போது, ​​தற்போதைய நிலைமையை கருத்திற்கொண்டு ஜனாதிபதி ரணில் விக்கிரமசிங்க ஆபத்தான மரங்களை அகற்றுவதற்கு கொழும்பு மாநகர சபைக்கு ஒத்துழைப்பை நல்குமாறு இராணுவம் மற்றும் அரச மர கூட்டுத்தாபனத்திற்கு பணித்துள்ளார் என்றார்.   

கொழும்பு மாநகர சபை அடையாளம் காணப்பட்ட 200 க்கும் அதிகமான ஆபத்துள்ள மரங்களின் பட்டியலிலிருந்து சுமார் 90 பழைய மரங்களை இந்த ஆண்டு ஜனவரி முதல், இன்றுவரை அகற்றியுள்ளது  சுமார் 110 மரங்கள் வெட்டப்பட உள்ளன.

இது தொடர்பான வேலைத்திட்டத்தை முன்னெடுப்பதற்காக மரக் கூட்டுத்தாபன அதிகாரிகள் மற்றும் இராணுவத்தினருடன் கொழும்பு மாநகர சபை  சிரேஷ்ட அதிகாரிகளினால் கடந்த வாரம் விசேட சந்திப்பு ஒன்று இடம்பெற்றதுடன், மீதியுள்ள 110 அதிக ஆபத்துள்ள மரங்களை தமது பணியாளர்கள் மற்றும் இயந்திரங்களைக் கொண்டு அகற்றுவதற்கு மரக் கூட்டுத்தாபனம் முன்வந்துள்ளதாக ஆணையாளர் தெரிவித்தார்.  

"மரங்கள் விழுவதைத் தடுப்பதில் 24 மணி நேரமும் செயல்படும் சிறப்புப் பிரிவு கொழும்பு மாநகர சபையில் உள்ளது, மேலும் நாங்கள் தற்போது காவல்துறை மற்றும் கொழும்பு தீயணைப்புப் பிரிவினர் உதவ உள்ளனர்.  அபாயகரமான மரங்களால் ஏற்படும் அபாயம் குறித்து பொதுமக்கள் தகவல் தெரிவிக்க தீயணைப்புப் படையின் '110' என்ற ஹாட்லைனைப் பயன்படுத்தலாம்.

தற்போதுள்ள பிரச்சனை என்னவென்றால், அடையாளம் காணப்பட்ட பழைய மரங்கள் இருந்தபோதிலும், வலுவான மற்றும் உறுதியான இளம் மரங்கள் பலத்த காற்று மற்றும் மழை காரணமாக விழுந்து வருகின்றன, எனவே நாங்கள் மிகவும் கவனமாக இருக்க வேண்டும், ”என்று ஆணையாளர் ஜெயவர்தன கூறினார்.