நீர்கொழும்பு வைத்தியசாலையில் அதிதீவிர சிகிச்சைப் பிரிவு

நீர்கொழும்பு மாவட்ட வைத்தியசாலைக்கு தனியார் நிறுவனம் ஒன்றினால் அதிதீவிர சிகிச்சைப் பிரிவு; ஒன்று நிர்மாணிக்கப்பட்டுள்ளது.

வைத்தியசாலையின் எட்டு மாடிகளைக் கொண்ட கட்டடத்தில் ஏழாவது மாடியில்  இந்த தீவிர சிகிச்சைப் பிரிவு  அமைக்கப்பட்டுள்ளது.

புதிய தீவிர சிகிச்சைப் பிரிவு பொது மக்களின் பாவனைக்கு கையளிக்கும் நிகழ்வு நேற்று முன்தினம் (29) மாலை இடம்பெற்றது.

சுகாதார அமைச்சர் பவித்ரா வன்னியாராச்சி, முன்னாள் இராஜாங்க அமைச்சர் நிமல் லான்ஸா, கம்பஹா மாவட்ட முன்னாள் பாராளுமன்ற உறுப்பினர் விசேட வைத்திய நிபுணர் சுதர்ஷனி பெர்ணான்டோ புள்ளே, வைத்தியசாலையின் பணிப்பாளர் உட்பட பலர் இந்த நிகழ்வில் பங்குபற்றினர்.