யாழ். வாகன விபத்தில் பெண் பலி

(நவம், தாஸ்)

யாழ். காங்கேசந்துறை பன்றிக்குட்டி பிள்ளையார் கோவிலுக்கு அருகில் இன்று வியாழக்கிழமை காலை இடம்பெற்ற வாகன விபத்தில் பெண்ணொருவர் உயிரிழந்துள்ளார்.

சம்பவத்தில் வண்ணார்பண்ணையைச் சேர்ந்த 32 வயதான சோபா நோபல் என்ற பெண்ணே உயிரிழந்தவராவார். இந்த வாகன விபத்து இன்று காலை 9.30 மணியளவில் இடம்பெற்றுள்ளது.

சைக்கிளில் சென்றுகொண்டிருந்த குறித்த பெண் மீது இலங்கை மின்சார சபைக்கு சொந்தமான லொறி மோதியுள்ளது.

குறித்த பெண்ணின் தலைமேல் லொறி ஏறியதால் இந்த மரணம் சம்பவித்துள்ளதாக தெரிவிக்கப்படுகிறது.
இந்த விபத்துச் சம்பவம் தொடர்பில் யாழ். பொலிஸார் விசாரணைகளை மேற்கொண்டுள்ளனர்.