2006ஆம் ஆண்டிலிருந்தான சம்பள நிலுவை வழங்கப்படவுள்ளது

சுப்பிரமணியம் பாஸ்கரன்

வடக்கு மாகாண கல்வி அமைச்சுக்குட்பட்ட 12 கல்வி வலயங்களிலும் உள்ள பாடசாலைகளில் கடமையாற்றும் அதிபர், ஆசிரியர்கள், கல்வி சாரா பணியாளர்கள் ஆகியோருக்கான, 2006 ஆம் ஆண்டிலிருந்து வழங்கப்படாமல் உள்ள சம்பள நிலுவை, வருடாந்த சம்பள ஏற்ற படிகளை வழங்குவதற்காக 7.82 மில்லியன் ரூபாய் நிதி ஒதுக்கீடு செய்வதற்கான நடவடிக்கை மேற்கொள்ளப்பட்டுள்ளதாக கல்வி அமைச்சர் அகிலவிராஜ் காரியவசம் தெரிவித்துள்ளார்.

இது தொடர்பாக அவர் மேலும் தெரிவிக்கையில்,

நாடளாவிய ரீதியில் உள்ள 09 மாகாணங்களிலும் கடந்த  2006ஆம் ஆண்டு தொடக்கம் பாடசாலை அதிபர், ஆசிரியர்கள், கல்வி சாரா பணியாளர்கள் ஆகியோருக்கு  வழங்கப்படாமல் உள்ள சம்பள நிலுவை, வருடாந்த சம்பள ஏற்ற படிகளை வழங்குவதற்காக 902.94 மில்லியன் ரூபாய் நிதி பகிர்ந்தளிக்கப்பட உள்ளதாக தெரிவித்துள்ளார்.

இதில் 7.82 மில்லியன் ரூபாய் நிதி வடமாகாணத்துக்கு ஒதுக்கப்பட்டுள்ளது என தெரிவித்தார்.