40 கிலோ கிராம் மாட்டிறைச்சி அழிக்கப்பட்டது

-எஸ்.கர்ணன்

துன்னாலை, வேறுண்டை மயானத்தில், இன்று வியாழக்கிழமை (11) அதிகாலை  சட்டவிரோதமான முறையில் இறைச்சியாக்கப்பட்ட மாட்டிறைச்சியை கைப்பற்றி அழித்துள்ளதாக நெல்லியடி பொலிஸார் தெரிவித்தனர்.

சுமார் 5 பேர் கொண்ட கும்பலொன்று, மயானத்தில் வைத்து மாடொன்றை இறைச்சியாக்கியுள்ளது. தகவல் அறிந்து அங்கு பொலிஸார் அங்கு சென்ற போது, இறைச்சியாக்கியவர்கள், இறைச்சி, தாங்கள் வந்த சைக்கிள்கள் மற்றும் கத்திகளை கைவிட்டுவிட்டுத் தப்பிச் சென்றுள்ளனர்.

தொடர்ந்து, அவ்விடத்துக்கு கரவெட்டி சுகாதார வைத்தியதிகாரி பணிமனையின் பொதுச்சுகாதாரப் பரிசோதகர் ஒருவர் வரவழைக்கப்பட்டு, அவர் முன்னிலையில் சுமார் 40 கிலோகிராம் இறைச்சி அழிக்கப்பட்டது.