30 சோடி புறாக்கள் திருட்டு:17 சோடிகளுடன் மூவர் கைது

செல்வநாயகம் கபிலன்

யாழ்ப்பாணம், கொழும்புத்துறை பகுதியில் உள்ள வீடு ஒன்றின் கூண்டில் இருந்து கடந்த நவம்பர் மாதம் 30 சோடிப்புறாக்கள் திருடப்பட்ட சம்பவம் தொடர்பில் சந்தேகநபர்கள் மூவரை யாழ்ப்பாணம் குற்றப்புலனாய்வு பிரிவினர், செவ்வாய்க்கிழமை (19) மன்னார் மற்றும் கொழும்புத்துறை பகுதியில் வைத்து கைது செய்துள்ளதாக யாழ்ப்பாணம் பொலிஸார் தெரிவித்தனர்.

அத்துடன், திருடப்பட்ட 30 சோடி புறாக்களில் 17 சோடி புறாக்களை மன்னார் பகுதியில் உள்ள வீடு ஒன்றில் இருந்து மீட்டு வந்துள்ளதாக பொலிஸார் கூறினார்.

மன்னார் பகுதியில் கைதான சந்தேகநபர் 56 வயதுடையவர் எனவும், கொழும்புத்துறை பகுதியினைச் சேர்ந்த இருவரும் 26 மற்றும் 35 வயதுடையவர்கள் எனவும் பொலிஸார் கூறினர்.

கைதான மூவரையும் பொலிஸ் நிலையத்தில் தடுத்து வைத்து விசாரணைகளை மேற்கொண்டு வரும் பொலிஸார், விசாரணையின் பின் யாழ்ப்பாணம் நீதவான் நீதிமன்றில் ஆஜர்படுத்த நடவடிக்கை எடுத்துள்ளனர்.