'நல்லாட்சியில் சமூக சமயங்களின் பங்கு' கருத்தரங்கு

எம்.எல்.லாபீர்

சர்வமதங்களுக்கிடையிலான சகவாழ்வு அரங்கத்தின் ஏற்பாட்டில் 'நல்லாட்சியில் சமூக சமயங்களின் பங்கு' என்னும் தொனிப்பொருளிலான கருத்தரங்கு, யாழ்ப்பாணம் கரித்தாஸ் கியூடெக் நிறுவனத்தில் ஞாயிற்றுக்கிழமை (13) நடைபெற்றது.

இந்நிகழ்வில், அருட்திரு பி.புனிதராசா, மௌலவி ஏ.எம்.ஏ.அசீஸ், அருட்திரு யாவீஸ் அடிகள், பாலகுமார குருக்கள் ஆகியோர் கலந்துகொண்டனர்.

'அன்பும் நட்பும் எங்குள்ளதோ அங்கு இறைவன் இருக்கின்றான். மதத்தலைவர்கள் நல்லாட்சியை மேம்படுத்துவதற்கு உழைக்க வேண்டும். மனித மாண்பை அடியிலிருந்து வரவழைக்க வேண்டும். சம உரிமையை வளர்த்தல், ஏழை, பணக்கார பேதத்தை உடைத்தல், பெண்களுக்குரிய உரிமைகளை வழங்கல் ஆகியவற்றை சமயங்களாலும் சமயத் தலைவர்களாலும் நடைமுறைப்படுத்த முடியும'; என அருட்திரு பி.புனிதராசா தெரிவித்துள்ளார்.