44 பேருக்கு வாழ்வாதார உதவிகள் வழங்கி வைப்பு

சுப்பிரமணியம் பாஸ்கரன்

வடமாகாண கிராம அபிவிருத்தி திணைக்களத்தின் நிதி ஒதுக்கீட்டில், வடமாகாணத்தில் தெரிவு செய்யப்பட்ட 44 பயனாளிகளுக்கு, தலா 50 ஆயிரம் ரூபாய் பெறுமதியான வாழ்வதார உதவிகள், கரைச்சிப் பிரதேச செயலகத்தில் வைத்து இன்று வெள்ளிக்கிழமை (21) வழங்கி வைக்கப்பட்டன.

கிளிநொச்சி மாவட்ட கிராம அபிவருத்தி திணைக்களத்தின் ஏற்பாட்டில் நடைபெற்ற இந்நிகழ்வில், பயனாளிகளுக்கு தையல் இயந்திரங்கள், நீர் இறைக்கும் இயந்திரங்கள், மர அரிவு இயந்திரங்கள் என்பன வழங்கி வைக்கப்பட்டன..

முன்னாள் போராளிகள், வறிய நிலையிலுள்ள 100 குடும்பங்கள் இதற்காக தெரிவு செய்யப்பட்டு, முதற்கட்டமாக 44 பேருக்கு வாழ்வாதார உதவிகள் வழங்கப்பட்டுள்ளது.

வடமாகாண கிராமிய அபிவிருத்தி, போக்குவரத்து அமைச்சர் பா.டெனீஸ்வரன், அமைச்சின் செயலாளர் எஸ்.சத்தியசீலன் ஆகியோர் இதில் கலந்துகொண்டு, பயனாளிகளுக்கான வாழ்வாதார உதவிகளை வழங்கி வைத்தனர்.