முதிரை மரக்குற்றிகளுடன் நால்வர் கைது

-சுப்பிரமணியம் பாஸ்கரன்

கிளிநொச்சி, அறிவியல் நகர் பகுதியில் முதிரை மரக்குற்றிகளை கடத்திய  சந்தேகநபர்கள் நான்கு பேரை,நேற்று திங்கட்கிழமை (17) அதிகாலை கைது செய்துள்ளதாக கிளிநொச்சி பொலிஸார் தெரிவித்தனர்.

அவர்களிடமிருந்து சுமார் 4 இலட்சம் ரூபாய் மதிப்புள்ள முதிரை மரக்குற்றிகளும், கடத்தலுக்கு பயன்படுத்தப்பட்ட கெப் ரக வாகனமும் மீட்கப்பட்டுள்ளது.

அறிவியல் நகர்ப் பகுதியிலிருந்து ஏ – 9 வீதி வழியாக இவற்றை கடத்துவதற்கான முயற்சிகள் இடம்பெற்ற போது, அங்கு சென்ற பொலிஸார் சந்தேகநபர்களை கைது செய்து, மரக்குற்றிகளைக் கைப்பற்றியுள்ளனர். சந்தேகநபர்கள் கிளிநொச்சி நீதிமன்றத்தில் ஆஜர்ப்படுத்தப்படவுள்ளதாக பொலிஸார் கூறினர்.