வயோதிபரை தண்ணீர் ஊற்றி கலைத்த கடைக்காரர்

-எம்.றொசாந்த்

யாழ்ப்பாணம், காங்சேன்துறை வீதியில் உணவகம் ஒன்றின் முன்னால் உட்கார்ந்திருந்த வயோதிபர் ஒருவர் மீது தண்ணீர் ஊற்றி அவரை, அந்த இடத்திலிருந்து கலைத்த சம்பவம் இன்று வியாழக்கிழமை (20) இடம்பெற்றுள்ளது.

மேற்படி வயோதிபர் நடக்க முடியாத காரணத்தால், கடைகளுக்கு முன்னால் அமர்ந்திருப்பதை வழமையாகக் கொண்டிருப்பார். மேலும், கடைகளில் கொடுக்கப்படும் உணவுகளை உண்டு வாழ்ந்து வந்தார்.

இந்நிலையில், கே.கே.எஸ். வீதியில் இவர் இருக்கும் போது, அந்தக் கடையில் பணியாற்றும் பணியாளர், அவர் மீது நீரை ஊற்றியுள்ளார். அது சாதாரண நீரா அல்லது கொதிநீரா என்பது தெரியவில்லை.