நிரந்தர நியமனம் வழங்கக் கோரி தொண்டர் ஆசிரியர்கள் யாழில் ஆர்ப்பாட்டம்

(தாஸ், கவிசுகி)

தங்களுக்கான நிரந்தர நியமனத்தை வழங்கக் கோரி வடமாகாணத்திலுள்ள முல்லைத்தீவு  மற்றும் வவுனியா கல்வி வலயங்களை சேர்ந்த தொண்டர் ஆசிரியர்கள் யாழ்ப்பாணத்தில் இன்று புதன்கிழமை கவனயீர்ப்புப் போராட்டமொன்றில் ஈடுபட்டனர்.

யாழ்ப்பாணத்திலுள்ள வடமாகாண கல்வியமைச்சின் செயலாளர் அலுவலகத்திற்கு முன்பாக நடைபெற்ற இந்த ஆர்ப்பாட்டத்தில் 100க்கும் மேற்பட்ட தொண்டர் ஆசிரியர்கள் கலந்துகொண்டனர்.

இடம்பெயர்ந்து பல துன்பங்களை அனுபவித்து வரும் நிலையிலும் கற்பித்தல் செயற்பாடுகளை நாங்கள் தொடர்ச்சியாக மேற்கொண்டு வருகின்றோம். தங்களுக்கான சம்பளம் ஒழுங்கான முறையில் வழங்கப்படாது காணப்படுகின்றது. அவற்றையும் ஒழுங்கான முறையில் வழங்குமாறு ஆர்ப்பாட்டத்தில் ஈடுபட்ட ஆசிரியர்கள் தெரிவித்துள்ளனர்.