கீரிமலைக் கேணிக்கு அருகிலுள்ள மலசலகூடங்களை பாவிப்பவர்களிடம் பணம் அறவிட ஏற்பாடு

(கிரிசன்)

கீரிமலைக் கேணிக்கு அருகாமையிலுள்ள மலசலகூடங்களை பாவிப்பவர்களிடம் நாளை முதலாம் திகதியிலிருந்து பணம் அறவிடப்படவுள்ளது.

கீரிமலைக்கு அதிக எண்ணிக்கையான சுற்றுலாப் பயணிகள் நாளாந்தம் வந்து செல்கின்ற நிலையில் அங்குள்ள மலசலகூடங்கள் அசுத்தமடைந்து காணப்படுவதுடன்  துர்நாற்றம் வீசுவதாகவும் தெரிவிக்கப்படுகின்றது.

ஒவ்வொரு நாளும் அங்குள்ள மலசலகூடங்களை  பிரதேசசபை ஊழியர்கள் சுத்தப்படுத்தியபோதிலும், அசுத்தமடைந்தே காணப்படுகின்றன. இந்த நிலையில் மலசலகூடங்களை பாவிப்பவர்களிடம் பணம் அறவிடும் நடவடிக்கையை வலிவடக்கு பிரதேசசபை மேற்கொண்டுள்ளது.

இதன் மூலம் மலசலகூடங்களை சுத்தமான முறையில் பேணக்கூடியதாக இருக்குமெனவும் தெரிவிக்கப்படுகிறது.