மாணவியை காணவில்லையென யாழ். பொலிஸில் முறைப்பாடு

(கிரிசன்,கவிசுகி)

தனியார் கல்வி நிறுவனத்திற்கு செல்வதாக கூறிச் சென்ற மாணவி கடந்த ஐந்து நாள்களாக வீடு திரும்பவில்லையென அம்மாணவியின் பெற்றோர் யாழ். பொலிஸ் நிலையத்தில் முறைப்பாடு செய்துள்ளனர்.

யாழ். வண்ணார்பண்ணையைச் சேர்ந்த மாணவியே காணாமல் போனதாக முறைப்பாடு செய்யப்பட்டுள்ளதாக யாழ். பொலிஸார் தெரிவித்துள்ளனர்.

இவர் தனிப்பட்ட முறையில் எங்காவது சென்றாரோ அல்லது எவராவது கடத்திச் சென்றார்களா என்பது தொடர்பில் எதுவும் தெரியவில்லையென பொலிஸார் தெரிவித்துள்ளனர்.

இவரைத் தேடிக் கண்டுபிடிப்பதற்கான நடவடிக்கையில் பொலிஸார் ஈடுபட்டுள்ளனர்.