குடும்ப வன்முறையால் பாதிக்கப்படும் பெண்கள் சார்பாக யாழ். மனித உரிமை ஆணைக்குழுவில் முறையிட முடிவு

(கவிசுகி)

யாழ்.மாவட்டத்தில் பெண்களுக்கு எதிரான இழைக்கப்படும் குடும்ப வன்முறைக்கு எதிராக யாழ்.மனித உரிமைகள் ஆணைக்குழுவில் முறையிடுவதற்கு தங்கள் அமைப்பு முடிவு செய்துள்ளதாக யாழ்.மாவட்ட பெண்கள் அபிவிருத்தி நிலையத்தின் தலைவி திருமதி சரோஜினி சிவச்சந்திரன் தெரிவித்துள்ளார்.

யாழில் குடும்ப வன்முறைகளின் காரணமாக பெண்களின் உரிமைகள் மீறப்படுவதாகவும் பெண்கள் உளநெருக்கடிக்குள் சிக்கித் தவிப்பதாகவும் அவர்களின் உரிமைகளைப் பேணுவதற்காகவும் அவர்களுக்கான ஆலோசனை வழங்குவதற்கு யாழ்.மாவட்ட பெண்கள் அபிவிருத்தி நிலையம் முன்வந்துள்ளதாக அவர் குறிப்பிட்டுள்ளார்.

குடும்ப வன்முறைகளின் பாதிப்படையும் பெண்கள் யாழ். மனித உரிமைகள் ஆணைக்குழுவின் முறையிட்டு சமரசத் தீர்வைப் பெற்றுக் கொடுப்பதற்கு யாழ்.பெண்கள் அபிவிருத்தி நிலையம் நடவடிக்கை எடுத்துள்ளதாக யாழ்.மாவட்ட பெண்கள் அபிவிருத்தி நிலையத்தின் தலைவி திருமதி சரோஜினி சிவச்சந்திரன் மேலும் தெரிவித்துள்ளார்.