யாழ். போதனா வைத்தியசாலைக்கு கட்டிட வசதிகள் தேவைப்படுகின்றன

(கவிசுகி)

யாழ். போதனா வைத்தியசாலையில் சிறுவர் பராமரிப்பு மருத்துவ சேவைப்பிரிவு, இருதய சத்திரசிகிச்சைப் பிரிவு, வைத்தியர் விடுதி ஆகியவற்றுக்கு கட்டிட வசதிகள் தேவைப்படுவதாக  யாழ். போதனா வைத்தியசாலைப் பணிப்பாளர் பவானி பசுபதிராஜா தெரிவித்துள்ளார்.

யாழ்ப்பாணத்தில் அதிகளவான நோயாளர்களுக்கு சிகிச்சையளிக்கப்படும் நிலையில், வைத்தியசாலைக்கு கட்டிட வசதிகள் தேவைப்படுவதாகத் தெரிவித்த அவர்,   யாழ். போதனா வைத்தியசாலையில் ஆளணிப் பற்றாக்குறை ஓரளவு சீர்செய்யப்பட்டுள்ளதாகவும் குறிப்பிட்டார். கடந்த வருடம் யாழ். போதனா வைத்தியசாலைக்கு 92 தாதிமார்கள்  நியமனம் செய்யப்பட்டுள்ளதாகவும் அவர் கூறினார்.

யாழ். போதனா வைத்தியசாலையின் தேவைகள் நிறைவேற்றப்படும் பட்சத்தில் யாழ். மக்களுக்கு மேலும் சிறந்த மருத்துவ, சுகாதார வசதிகளைச் செய்து கொடுக்க முடியும் எனவும் வைத்தியர் பவானி பசுபதிராஜா தெரிவித்தார்.