யாழ். மாநகர சபையின் எதிர்க்கட்சி உறுப்பினர்கள் வெளிநடப்பு

(கவிசுகி)

யாழ். மாநகர சபை மேயர் பற்குணராசா யோகேஸ்வரியின் தன்னிச்சையான மற்றும் சர்வாதிகாரப் போக்குகளைக் கண்டித்து யாழ். மாநகர சபையின் எதிர்க்கட்சி உறுப்பினர்கள் இன்று வியாழக்கிழமை வெளிநடப்புச் செய்துள்ளனர்.

இந்த வெளிநடப்பில் யாழ். மாநகரசபையின் ஆளும் கட்சி உறுப்பினர் மங்களநேசனும் இணைந்துகொண்டுள்ளார்.

யாழ். மாநகர சபையில் தங்களது கருத்துக்கு மதிப்பளிக்காமை, சுதந்திரமாக கருத்துத் தெரிவிக்க முடியாமை ஆகியவற்றைக் கண்டித்தே வெளிநடப்புச் செய்துள்ளதாக யாழ். மாநகர சபையின் எதிர்க்கட்சி உறுப்பினரும் சட்டத்தரணியுமான மு.றெமிடியாஸ் ஊடகங்களுக்குத் தெரிவித்தார்.