புத்தூரில் வெடிவிபத்து; இரு சகோதர்கள் காயம்

(கவிசுகி)

யாழ். புத்தூர், ஆவரங்கால் மேற்குப் பகுதியில் இடம்பெற்ற வெடி விபத்துச் சம்பவமொன்றில் சகோதரர்கள் இருவர் படுகாயமடைந்த நிலையில் யாழ்.போதனா வைத்தியசாலையின் அவசர சிகிச்சைப் பிரிவில் அனுமதிக்கப்பட்டுள்ளனர் என்று அச்சுவேலி பொலிஸார் தெரிவித்தனர்.

இன்று வியாழக்கிழமை வயல் காணி ஒன்றில் இருந்த கற்பாறையை அகற்ற முயற்சித்துள்ள இவர்கள், சீன வெடிமருத்தால் தயாரிக்கப்பட்ட டைனமைட்டைப் பயன்படுத்தி கற்பாறையை அகற்றும் போது தவறுதலாக அது வெடித்துச் சிதறியதில் இரு சகோதர்களும் படுகாயமடைந்துள்ளனர் என்று பொலிஸார் குறிப்பிட்டனர்.

சம்பவம் தொடர்பான மேலதிக விசாரணைகளை அச்சுவேலி பொலிஸார் மேற்கொண்டு வருகின்றனர். சம்பவத்தில் காயமடைந்த சகோதரர்கள் தொடர்ந்தும் சிகிச்சைப் பெற்று வருகின்றனர்.