முதன்முறையாக முச்சக்கரவண்டிகளை செலுத்தும் பெண்கள்

(கவிசுகி)

யாழ்ப்பாண வரலாற்றில் முதன்முறையாக பெண்கள் முச்சக்கரவண்டிகளைச் செலுத்துவதற்காக பயிற்றுவிக்கப்பட்டுள்ள நிலையில் 10 பெண்கள் முச்சக்கரவண்டிச் சேவையில் ஈடுபடவுள்ளனர்.

பெண் தலைமைத்துவத்தைக் கொண்ட இப்பெண்களுக்கு சர்வதேச மகளிர் தினமான நேற்று வியாழக்கிழமை  பெண்கள் கல்வி ஆய்வு நிறுவனத்தினால் மானிய அடிப்படையில் முச்சக்கரவண்டிகள் வழங்கப்பட்டுள்ளன.

நல்லூர் இளங்கலைஞர் மன்ற மண்டபத்தில் பெண்கள் யாழ். மாவட்ட மகளிர் அபிவிருத்தி உத்தியோகத்தர் உதயனி நவரத்தினம் தலைமையில் இதற்கான நிகழ்வு நடைபெற்றது.

யுத்தம் காரணமாக கணவன்மாரை இழந்த பெண்கள், பெற்றோரை இழந்த பெண்கள், வறுமைக்கோட்டுக்கு கீழ் வாழும்  பெண்கள் என கிராம அலுவலகர்களின் உதவியுடன்  10 பெண்கள் தெரிவுசெய்யப்பட்டு அவர்களுக்கு முச்சக்கரவண்டிகள் வழங்கப்பட்டுள்ளன.