யாழ். கோட்ட பாடசாலைகளின் கால்பந்தாட்ட அரையிறுதி போட்டி முடிவுகள்

Super User / 2012 ஒக்டோபர் 24 , பி.ப. 03:25 - 0 - {{hitsCtrl.values.hits}}

யாழ். கோட்ட பாடசாலைகளின் கால்பந்தாட்ட அணிகளுக்கிடையில் நடைபெற்றுவரும் உதைபந்தாட்ட சுற்றுப் போட்டியில் இன்று நடைபெற்ற அரையிறுதி போட்டிகளிலிருந்து இறுதிப் போட்டி அணிகள் தெரிவு செய்யப்பட்டன.

இன்று நடைபெற்ற 18 வயதுப் பிரிவினருக்கான அரையிறுதி ஆட்;டத்தில் நாவாந்துறை றோமன் கத்தோலிக்க தமிழ் கலவன் பாடசாலை அணி 1:0 என்ற கோல் கணக்கில் சென்.ஜோன்ஸ் கல்லூரி அணியினையும், யாழ்ப்பாணம் மத்திய கல்லூரி அணி 1:0 என்ற கோல் கணக்கில் சென். பற்றிக்ஸ் கல்லூரி அணியினையும் வென்று இறுதிப் போட்டிக்கு தகுதி பெற்றுள்ளன.

16 வயது பிரிவினருக்கான போட்டியில் சென். ஜேம்ஸ் ஆண்கள் பாடசாலை அணி 4:2 என்ற கோல் கணக்கில் யாழ்ப்பாணம் மத்திய கல்லூரி அணியினை பெனால்டி முறையில் வெற்றி பெற்று இறுதிப்போட்டி வாய்ப்பை பிரகாசப்படுத்தியது.

இதேவேளை, 14 வயதுப் பிரிவில் யாழ்ப்பாணம் மத்திய கல்லூரி அணி 4:0 என்று கோல் கணக்கில் ஒஸ்மானியக் கல்லூரி அணியினையும், சென்.ஜோன்ஸ் கல்லூரி அணி 1:0 என்ற கோல் கணக்கில் நாவாந்துறை றோமன் கத்தோலிக்க கல்லூரியினை வென்றும் இறுதிப் போட்டிக்கு தகுதி பெற்றன.

நாளை 16 வயது பிரிவினருக்கான அரையிறுதி போட்டியொன்றும், 14 மற்றும் 18 வயது பிரிவினருக்கான இறுதிப் போட்டியும் நடைபெறவுள்ளது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .