சட்டவிரோதமாக மின்சாரம் பெற்றவர்களுக்கு அபராதம்

மானிப்பாய் பொலிஸ் பிரிவுக்குட்பட்ட பகுதியில் சட்டவிரோதமாக மின்சாரம் பெற்ற 5 பேருக்கு, தலா 10 ஆயிரம் ரூபாய் அபராதம் விதித்து மல்லாகம் நீதவான் நீதிமன்ற நீதவான் கறுப்பையா ஜீவராணி, திங்கட்கிழமை(27) தீர்ப்பளித்தார்.

மானிப்பாய் பொலிஸாரும், கொழும்பிலிருந்து வருகை தந்த மின்சார சபையின் புலனாய்வு அதிகாரிகளும் இணைந்து கடந்த 04ஆம் திகதி மானிப்பாய் பொலிஸ் பிரிவு பகுதியில் நடத்திய திடீர் சோதனை நடவடிக்கையில் ஐவரும் கைது செய்யப்பட்டனர்.

கைது செய்யப்பட்டவர்கள் பொலிஸ் பிணையில் விடுவிக்கப்பட்ட நிலையில் அவர்களுக்கு எதிராக மல்லாகம் நீதவான் நீதிமன்றத்தில் வழக்குத் தாக்கல் செய்யப்பட்டது. வழக்கு விசாரணை, திங்கட்கிழமை(27) எடுத்துக்கொள்ளப்பட்ட போது, ஐவரும் தங்கள் குற்றங்களை ஒப்புக்கொண்டனர்.