மாணவி கொலை சந்தேகநபர்களின் டி.என்.ஏ அறிக்கைக்காக காத்திருப்பு

-சொர்ணகுமார் சொரூபன்

புங்குடுதீவு மாணவி வன்புணர்வுக்குட்படுத்தப்பட்டு படுகொலை செய்யப்பட்டமை தொடர்பில் கைது செய்யப்பட்ட 9 சந்தேகநபர்களின் டி.என்.ஏ பரிசோதனை அறிக்கைக்காக காத்திருப்பதாக வடமாகாண சிரேஸ்ட பிரதிப் பொலிஸ்மா அதிபர் லலித் ஏ ஜெயசிங்க தெரிவித்தார்.

யாழ். தலைமைப் பொலிஸ் நிலையத்திலுள்ள பிரதிப் பொலிஸ்மா அதிபர் அலுவலகத்தில் வெள்ளிக்கிழமை (29) நடைபெற்ற ஊடகவியலாளர் சந்திப்பில் அவர் இவ்வாறு தெரிவித்தார். 

அவர் தொடர்ந்து கூறுகையில், மாணவி படுகொலை வழக்கில் கைது செய்யப்பட்ட 9 சந்தேகநபர்களும் நீதிமன்ற அறிவுறுத்தலுக்கமைய டி.என்.ஏ பரிசோதனைக்கு உட்படுத்தப்பட்டனர். அந்த பரிசோதனை அறிக்கைக்காக காத்திருக்கின்றோம் என்றார்.