ஆசிரியர் கலாசாலைகளுக்கு மீள்பரீட்சை

-நா.நவரத்தினராசா

ஆசிரிய கலாசாலைகளுக்காக இலங்கைப் பரீட்சைத் திணைக்களம் நடத்தும் மீள்பரீட்சை எதிர்வரும் ஜூலை மாதம் 6ஆம் திகதி தொடக்கம் 11ஆம் திகதி வரையில் நடைபெறவுள்ளது.

கோப்பாய் ஆசிரிய கலாசாலையின் ஊடாக மீள்பரீட்சைக்கு தோற்றவுள்ள பரீட்சார்த்திகளுக்கான அனுமதி அட்;டைகள், கலாசாலைக்குக் கிடைக்கப்பெற்றுள்ளன என்றும் அவற்றை கலாசாலை அலுவலக நேரத்தில் பெற்றுக்கொள்ளலாம் என்றும் கலாசாலை அதிபர் அறிவித்துள்ளார்.

பரீட்சை தொடர்பான நேரசூசி கலாசாலையின் விளம்பரப் பலகையில் இடப்பட்டுள்ளது என்றும் விபரங்கள் தேவைப்படுவோர் தமக்குரிய பாடங்களைக் குறிப்பிட்டு கலாசாலையின் தொலைபேசி இலக்கமாகிய 021 - 2230323 ஊடாகப் பெற்றுக்கொள்ளலாம் என்றும் அறிவிக்கப்பட்டுள்ளது.