பஸ் மீது கல்வீச்சு தாக்குதல்

- எம்.றொசாந்த்

இலங்கை போக்குவரத்துச் சபையின் கோண்டாவில் சாலைக்குச் சொந்தமான பஸ் மீது, நேற்று ஞாயிற்றுக்கிழமை (16) திருநெல்வேலிச் சந்திக்கு அருகாமையால் கல்வீச்சுத் தாக்குதல் மேற்கொள்ளப்பட்டுள்ளதாக கோப்பாய் பொலிஸார் தெரிவித்தனர்.

அம்பாறையிலிருந்து பயணிகளை ஏற்றி வந்த பஸ் யாழ்.நகரில் பயணிகளை இறக்கிய பின்னர் கோண்டாவில் சாலைக்கு சென்றுகொண்டிருந்தபோது, மோட்டார் சைக்கிளில் சென்ற இரண்டு நபர்கள் இந்த கல்வீச்குத் தாக்குதலை மேற்கொண்டுவிட்டுத் தப்பிச் சென்றுள்ளனர்.

இதில் பஸ்ஸின் முன்பக்க கண்ணாடிகள் சேதமடைந்ததாகவும் மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர்.