எரிந்த நிலையில் வயோதிப பெண்ணின் சடலம் மீட்பு

-எம்.றொசாந்த்

யாழ். திருநெல்வேலி கேணியடி ஞான வைரவர் ஆலயத்துக்கு பின்புறமாக உள்ள வீடொன்றில் இருந்து வயோதிப பெண்ணின் சடலம் எரிந்த நிலையில் சனிக்கிழமை(22)  மீட்கப்பட்டுள்ளதாக கோப்பாய் பொலிஸார் தெரிவித்தனர்.

ஆடியபாதம் வீதி, கேணியடியை சேர்ந்த சின்னமுத்து கைலாசம் (வயது 75) என்பவரே சடலமாக மீட்கப்பட்டுள்ளார்.
சடலம் மீட்கப்பட்ட இடத்துக்கு அருகில் மண்ணெண்ணெய் கொள்கலன் ஒன்றும் தீப்பெட்டி ஒன்றும் காணப்பட்டதுடன் வீடும் உட்புறமாக பூட்டப்பட்டுள்ளது.

சம்பவம் தொடர்பில் மேலதிக விசாரணைகளை கோப்பாய் பொலிஸார் மேற்கொண்டு வருகின்றார்கள்.