நல்லூரில் கட்டாக்காலி நாய்கள் அதிகரிப்பு

-எம்.றொசாந்த்

நல்லூர் கந்தசுவாமி ஆலய மஹோற்சவம் தற்போது நடைபெற்று வருகையில் ஆலய வளாகத்தில் அதிகளவான கட்டாக்காலி நாய்கள் திரிவதால் ஆலயத்துக்கு வருபவர்கள் அசௌகரியங்களை எதிர்நோக்கி வருகின்றனர்.

மஹோற்சவ காலங்களில் ஆலய வளாகத்தில் திரியும் கட்டாக்காலி நாய்களை மாநகர சபையினர் பிடித்து, அவற்றை அப்புறப்படுத்துவது வழமை. ஆனால், இம்முறை மாநகர சபையினர் அவ்வாறான நடவடிக்கையில் ஈடுபடவில்லை.

நல்லூர் ஆலய மஹோற்சவம், கடந்த 19ஆம் திகதி முதல் ஆரம்பமாகி நடைபெற்று வருகின்றமை குறிப்பிடத்தக்கது.